*li

Han ich öppis verpasst, oder sind (miär) Schwiizer so passiv???
Oder händ iähr alli zwei Wuchä Dauer-Fasnacht??? *mich-irgendwie-ein-bisschen-verloren-fühl-hier* De gang ich mich halt wieder mit dä Dütschä go unterhaltä.

samaria

lach ....wenn ich schweizerin wär würd ich mich jetzt richtig freuen
aber ich freu mich auch so grad...

nur so...hab hier ja nischt zu suchen

Martina

sali li
ja was wetsch dän du so under eus schwiizer los wärde?
Verzell mal.hihihihihihih bi gspannt
Martina

*li

Hallöle Martina,

afä mal schön, dass äs au no "Läbä" git i dä Schwiiz!!!

No öppis anders; Du bisch jetzt diä hundertscht Person wo min Stärn überseht! Nänn mich doch bitte Stärnli, Abchürzig *li.


Übrigens, s'isch bloss ä Feschtstellig gsi, dass hiä nöd grad viel lauft.

Mit was beschäftiged iähr üch so im spirituellä Bereich?

Liäbi Stärnä-Grüässli vom *li.

Martina

hoi *li.
jetzt vergässi das * nüme!Sorry
Ich mache Rückfüerigä und Clearing, Channeling und luegä mal uf was für Wege ich no chume. Ha es Buech gschriebe wo grad no im Druck isch und luegä dä was uf mich zue chunt.
Und Du verzell chli vo Dir.
Grüessli Martina

*li

Liäbi Martina,

freut mich vo Dir z'läsä.
schaffsch scho lang i Dem Gebiät? Vo wägä "Rückfüährigä"; isch das nöd heikel? Weisch, en guätä Fründ vo miär hed sich au mal rückfüährä laa und vo det äwäg isch bi ihm dä Kanal offä bliebä. Är hed de langi Ziet i sini vergangnä Läbä gseh und damaligi "Schauplätz" wieder gfundä und durch das gar nümä chönnä im Hiä und Jetzt läbä. Inzwüschä hed är glernt dämit umzgah und sich all denä Informationä zverschliässä, wil's ihn völlig us em jetzigä Läbä usägrisssä gha hed für langi Ziet.
Ha Dir de mal no ä Gschicht vo miär z'verzellä, aber da schick ich Dir dänn ä PN, viellicht gsehsch Du det d'Zämähäng no chli besser als ich. Ich schrieb Dir de wenn ich mal chli meh Ziet han, bin chli im Schuss zur Ziet.

Liäbi Sunnigi Grüäss, s'*li.

Martina

Salu *li
Ich han en Usbildig gmacht für Rückführigstherapie, wänn mer das richtig macht und die Thema wo mer aluegt uflöst und verzeihigsarbeit macht isch das nüd gfährlichs. Mer söt nie bi öperem en Rückfüherig mache wo kei Usbildig hät oder wo eim ned Sympatisch isch. Ich dänk wenn die Kolleg der Muet hetti so chönd er mal luege wieso er nachher immer no Bilder übercho hät. Ich chan mer nämli Vorstelle dass das en Sinn hät und wemer dä gshet cha mer das au wieder zue mache.
Lichtvolle Gruess Martina

Waldbaum

Un sell isch gar nit esoo uu-räächd!

Warum solle die Schwizzer nit ou emool e bissl mit de Ditsche schwätze?

Die Litt im Schwarzwald schwätze ou nit viel ondersch als die in de Schwizz. Gell!