Sidonia

Hallo ihr lieben Landsleute

Mir war der Gedanke gekommen wir könnte uns doch einmal treffen wer mag,und das über,s Wochenende
Ich habe mir da so im Sommer oder anfangs Herbst gedacht !

Man müsste einfach wegen Übernachtungen schauen,oder etwas Organisieren für solche die einen weiteren Weg vor sich haben.
Und wo man sich genau trifft.

Was haltet ihr davon

In liebe
Sidonia

*li

Hallo Sidonia,
Dini Idee find ich toll! Mal äs Weekend unter Glichgsinntä.
Ha scho mängisch dänkt, das isch öppis wo fählt, dä Ustusch über spirituelli Thema und mit Mänschä wo au uf emänä ähnlichä Wäg sind.
Liäbi Grüässli vom *li.

Sidonia

liebi *li

und genau wege dem han i das ja da Inne gschriebe,will ich nöd nume schriebe und mich ustusche möchti,sondern au eu mal persönlich kenne z,lerne.

I liebi
Sidonia

*li

Hallöle Sidonia,
ha grad gseh, dass Du vo Luzärn bisch?!
Wär nöd wiet zum mal öppis abzmachä. Han mit em Zug ä Halbstund bis Luzärn.
liäbi, liächterfüllti Grüässli vom *li.

Sidonia

Hallo *li

I weiss,den i bi eis oder zweimal im Kanton Züri und bsuche det noh mini Eltere im Züri Oberland.
I bi det Ursprünglich Ufgwachse,u ha de vo drüehalb Jahr em Kanton Züri de Rücke zudreit.

I liebi
Sidonia

*li

Hallo Sidonia,
Oh nei!!! Jetzt han ich vorhär äs längers "Briäfli" a Dich gschriebä, aber irgendöppis isch falsch gangä, jetzt isch äs niänäd meh! *närv*
Dänn muäss äs halt jetzt nöd grad sii anschienend. Schrieb Dir de zAbig nomal.
Sunnigs Morgä-Grüässli, s'*li.

*li

Hallo liebe Sidonia,
ich versuächs jetzt nomal, viellicht chömed mini Zeilä das mal a.
Ich bin en chlinä Teil vo mim Läbä z'Obfäldä (bi Affolterä am Albis) ufgwachsä. Ha min Züridialäkt zwar bhaltä, wohnä jetzt aber sit 17 Jahr z'Obwaldä. Wiso hesch kein guätä Draht meh zu Züri? Magsch verzellä, oder isch äs z'persönlich?
Ich bi sältä in Züri, 2,3mal im Jahr amänä Seminar, aber suscht entspricht mir diä Stadt gar nöd. S'isch z'hektisch, unpersönlich und diä allgemeini Energie döt find ich au nöd grad guät.
Mini Eltärä wohnäd sit 4 Jahr im Tessin, so chan ich öppä äs Bsüächli go machä uf d'Sunnäsietä vo dä Schwiiz. Mini Mami schaffed sit über 10 Jahr medial. Us dem Grund bin ich, was Spiritualität betrifft, völlig offä "erzogä" wordä. Äs isch eifach en Teil vo mim Alltag, nüt allzu Bsundrigs.
Freu mich wieder vo Dir z'ghörä, äh...z'läsä.
Frohi Grüässli, s*li.

Martina

Salu
Hey *li ich wohne grad 10 min vo Obfelde entfernt.
sidonia ha mi ja gar nüme gmeldet bi dir sorry, ha chli stress.
Ja und e so es Eso Treffe warum ned. Wär i au derbie.
Gruess Martina